種蕃茄唔等於種好蕃茄

今日係Google搜尋農莊的資深農夫，嚇左一跳，佢原來真係好有經驗同實力。點解我會用原來，其實我在今天Google前就已經感覺他很厲害。

我這兩天到農莊，其中一樣最主要的工作就是修剪蕃茄的側芽和多餘的葉。他告訴我，很多農夫種蕃茄都不會花時間打理，因為蕃茄不打理也會結出果子。然後佢好型咁講，「我種野，係用心機去種，唔會求其」。

親身跟佢學習如何打理蕃茄，我先知道要種出一個好的蕃茄一D都唔易。市面上常見的有機蕃茄，多數都唔會種到全熟先賣，據他說，因為其他農夫怕不夠養份，水份太多會爆。所以他每一顆蕃茄都會透過剪側芽，及將底部的葉子剪去，保留養份。點解要剪底部的葉子？因為蕃茄長高後，底部的葉就會減小進行光合作用的機會，所以剪去它們可減少養份流失。

剪剪葉聽落好簡單，但係原來剪葉同做手術一樣，要做好消毒！有機農莊因為不會使用高劑量農藥，所以久而久之，就有機會出現疾病。所以，每修剪一顆農作物之前，都必須將剪刀高溫消毒，避免將病菌帶給其他農作物。

咁你明我點解話種蕃茄唔等於種好蕃茄啦？跟呢位農夫學野，我真係獲益良多，黎緊的日子，要好好珍惜機會，努力學習！